FLASH
Shkruar nga Pamfleti
Ministria e Punëve të Jashtme në Ukrainë ka futur Patriarkun Kirill, kreun e kishës ortodokse ruse në listën e personave të shpallur në kërkim pasi akuzohet për nxitje të konfliktit.
Kirill është mbështetës i Rusisë dhe presidentit Vladimir Putin. Mediat e huaja shkruajnë se ky vendim i Ukrainës është më shumë simbolik, pasi patriarku nuk rrezikon të arrestohet pasi prej disa kohësh ndodhet në Rusi.
Ministria e Ukrainës postoi një foto të Kirillit, teksa e quante atë "një individ që mbështeti konfliktin në Ukrainë dhe që fshihet nga organet e hetimit".
Krishterimi ortodoks është feja dominuese në Ukrainë dhe autoritetet ukrainase kanë ngritur çështje penale kundër priftërinjve të lidhur me kishën ortodokse e cila më parë ishte e lidhur drejtpërdrejt me kishën ruse.
Parlamenti në Kiev po shqyrton hartimin e një projektligji që do të ndalonte degën e kishës, e cila ka humbur shumë besimtarë që kur Presidenti i Kremlinit Vladimir Putin dërgoi trupat ruse në Ukrainë në shkurt 2022.
Lini një Përgjigje