FLASH
Shkruar nga Pamfleti
Ish-presidenti amerikan mbajti një fjalim në Maryland dhe në fund kërkoi ndihmë për të gjetur daljen nga skena. Ngjarja vjen ndërsa ai po përballet me kancer të prostatës në stad të avancuar...
Ish-presidenti i Shteteve të Bashkuara, Joe Biden, tërhoqi vëmendjen gjatë një mbrëmjeje gala të Partisë Demokratike në shtetin e Marylandit, pranë Baltimores, pasi në përfundim të fjalimit të tij u duk se pati vështirësi për të gjetur daljen nga skena.
Gjatë fjalës së tij, Biden mbrojti bilancin e presidencës së tij dhe kritikoi pasardhësin e tij, Donald Trump. Ai e akuzoi për "shpërqendrim të qëllimshëm" dhe për veprime që, sipas tij, dëmtojnë NATO-n. Gjithashtu, e cilësoi projektin për sallën e re të ballove në Shtëpinë e Bardhë si një "projekt vaniteti".
Në fund të fjalimit, pasi përsëriti mesazhin e tij se Shtetet e Bashkuara mund t'i kapërcejnë sfidat, Biden u kthye në disa drejtime duke kërkuar orientim për të dalë nga skena. Pasi mori udhëzime, u largua me shpinë nga publiku.
Joe Biden gets lost exiting the stage at a Democrat party event after reading his script like a big boy from a teleprompter. Just normal dementia riddled Joe Biden — same as he was during his presidency for four years — lost and confused. pic.twitter.com/SCpia2vksU
— Stop Hiding Biden (@StopHidingBiden) June 28, 2026
Sipas raportimeve, paraqitja e tij në Maryland erdhi vetëm pak ditë pas pjesëmarrjes në inaugurimin e bibliotekës presidenciale të Barack Obamës në Çikago. Në atë aktivitet, mediat raportuan se Biden qëndroi për disa çaste në skenë duke kërkuar mbesën e tij, ndërsa në raste të tjera u orientua nga bashkëshortja e tij, ish-Zonja e Parë Jill Biden.
Gjatë fjalimit në gala, 83-vjeçari përdori teleprompter për leximin e fjalës së përgatitur.
Biden u tërhoq nga gara për rizgjedhje në vitin 2024 pas performancës së dobët në debatin presidencial me Donald Trump, ndërsa më vonë demokratët zgjodhën një kandidat tjetër për zgjedhjet presidenciale.
Ish-presidenti po përballet gjithashtu me kancer të prostatës në stad të avancuar. Ndërkohë, Jill Biden, gjatë promovimit të librit të saj të ri, ka treguar se pas debatit presidencial të vitit 2024 kishte menduar fillimisht se bashkëshorti i saj mund të kishte pësuar një goditje në tru.
Lini një Përgjigje