FLASH
Shkruar nga Pamfleti
Sistemi elektoral hungarez është kompleks dhe i dizajnuar në mënyrë që të favorizojë partinë fituese në distrikte, ndaj është herët për të nxjerrë konkluzione definitive...
Me mbylljen e qendrave të votimit, në Hungari ka nisur numërimi i votave për zgjedhjet parlamentare. Të dhënat e para nga numërimi i listave kombëtare tregojnë një garë shumë të ngushtë midis partisë në pushtet Fidesz-KDNP dhe partisë opozitare Tisza e udhëhequr nga Péter Magyar.
Nga numërimi i vetëm 1.37 për qind të votave, partia e Orbanit rezulton në avantazh me 53.18 për qind, ndërsa partia opozitare e Magyar e dyta me 38.6 për qind në listat kombëtare. Por në total listat kombëtare dhe ato individuale, udhëheq opozita me 91 mandatet, përballë 76 të Orbanit.
Kujtojmë se pjesa më e madhe e mandateve (106) vijnë nga zonat një-anëtarëshe (individual electoral districts), të cilat zakonisht favorizojnë partinë më të fortë lokalisht dhe mund të ndryshojnë ndjeshëm tablonë finale
Rezultatet e para në listat kombëtare:
Fidesz – KDNP: 45 mandate
Tisza: 39 mandate
Mi Hazánk (partia e ekstremit të djathtë): 9 mandate
DK (Koalicioni Demokratik): 0 mandate
MKKP (Partia e Qenit me Dy Bishta): 0 mandate
Listat individuale:
Fidesz – KDNP: 31 mandate
Tisza: 52 mandate
të tjerat: 0 mandate
Si ndahen mandatet?
Hungarezët hedhin dy vota të ndara:
106 nga 199 deputetët zgjidhen në zona zgjedhore me një anëtar duke përdorur metodën e shumicës së të parëve.
93 deputetët e mbetur zgjidhen nga një listë e vetme në një zonë zgjedhore "kombëtare".
Kujtojmë se pjesëmarrja në votime është raportuar si shumë e lartë, madje rekord për standardet hungareze, çka mund të ndikojë në shpërndarjen finale të vendeve.
Kujtojmë se sondazhet e fundit para zgjedhjeve i jepnin Tisza-s një epërsi të qartë (rreth 50-57%), me mundësi për shumicë absolute apo edhe dy të tretat në parlament.
Megjithatë, sistemi elektoral hungarez është kompleks dhe i dizajnuar në mënyrë që të favorizojë partinë fituese në distrikte, ndaj është herët për të nxjerrë konkluzione definitive.
Rezultatet e plota priten të dalin gradualisht gjatë mbrëmjes dhe natës, ndërsa numërimi i plotë mund të zgjasë edhe disa ditë për shkak të votave nga diaspora dhe procedurave.
Lini një Përgjigje