FLASH
Shkruar nga Pamfleti
Kryeministri izraelit deklaroi se ushtria kontrollon tashmë rreth 60% të territorit të Gazës, ndërsa Hamas akuzon Izraelin për shkelje të armëpushimit dhe ndryshim të vijave të dakordësuara.
Kryeministri izraelit Benjamin Netanyahu deklaroi të enjten se i ka dhënë urdhër ushtrisë izraelite të marrë nën kontroll 70% të territorit të Rripit të Gazës.
Gjatë një interviste në një konferencë në Bregun Perëndimor të pushtuar, Netanyahu tha se Izraeli po “forcon kontrollin” ndaj Hamasit.
“Tani jemi në 60% të territorit të Rripit të Gazës. Ishim në 50%, kaluam në 60%”, deklaroi ai. “Udhëzimi im është të vazhdojmë hap pas hapi, fillimisht në 70%. Le të nisim me kaq.”
Sipas raportimeve, gjatë fjalës së tij, një pjesë e audiencës bëri thirrje që Izraeli të marrë nën kontroll të gjithë Gazën.
Forcat Mbrojtëse të Izraelit (IDF) kishin shpërndarë në fund të prillit harta për organizatat ndërkombëtare të ndihmës, të cilat tregonin se ushtria kontrollonte tashmë rreth 64% të territorit të Gazës.
Një zgjerim i mëtejshëm i kontrollit ushtarak do të detyronte afro 2 milionë palestinezë të grumbulloheshin në një pjesë gjithnjë e më të vogël të territorit të shkatërruar të enklavës bregdetare.
Sipas marrëveshjes së armëpushimit të tetorit 2025 mes Izraelit dhe Hamasit, trupat izraelite ishin tërhequr në një vijë ndarëse të njohur si “vija e verdhë”, e cila përfshinte rreth 53% të territorit të Gazës.
Hamasi akuzoi të martën Izraelin se po ndryshon këtë vijë, duke e cilësuar si “një minimin të vazhdueshëm të marrëveshjes së armëpushimit” dhe “një përpjekje për të imponuar realitete të reja në terren përmes forcës”.
Sipas Hamasit, veprimet e Izraelit synojnë forcimin e kontrollit ushtarak mbi Gazën dhe pengimin e çdo mundësie reale për stabilizim dhe ulje të tensioneve.
Lini një Përgjigje