FLASH
Shkruar nga Pamfleti
Ndërkohë që e gjithë Evropa është përfshirë nga një valë ekstreme të nxehti, Koracia është goditur ditën e sotme nga një stuhi e fuqishme, që ka shkaktuar dëme të mëdha materiale dhe ka marrë 3 jetë njerëzish.
Sipas asaj që raportohet dy burra kanë vdekur në Zagreb si pasojë e stuhisë që e ka goditur kryeqytetin e Kroacisë në pasditen së mërkurës. Lupka Hitrova nga Instituti i Trajnimit për Mjekësi Emergjente, ka thënë se 2 burrat kanë vdekur si pasojë e rrëzimit të pemëve.
Ndërkohë që tetë persona të tjerë kanë mbetur të plagosur, por në mesin e tyre nuk ka fëmijë. Sipas autoriteteve, shërbimet e emergjencës i kanë pranuar 700 thirrje dhe vetëm zjarrfikësit kanë intervenuar në 50 raste.
Kryetari i Bashkisë së Zagrebit, Tomisllav Tomasheviç u ka bërë thirrje qytetarëve që t’i thërrasin shërbimet e emergjencës vetëm në rast urgjence, pasi linjat janë bllokuar.
Stuhia, e përcjellë me shi të rrëmbyeshëm dhe erëra të forta, ka nisur rreth orës 16:00 dhe ka zgjatur rreth 20 minuta.
Lini një Përgjigje