FLASH
Shkruar nga Pamfleti
A ka pika të përbashkëta rritja e sotme e çmimit të arit me atë të vitit 1980?
Analistët dhe ekonomistët po përpiqen t'i përgjigjen kësaj pyetjeje, duke analizuar faktorët që aktualisht favorizojnë metalin e çmuar në krahasim me ata që mbizotëruan në vitin 1980.
Me tensionet e larta midis aleatëve historikë mbi tarifat e SHBA-së dhe luftrat në Ukrainë dhe Lindjen e Mesme, fuqitë e mëdha duket se nuk kanë gjasa të punojnë së bashku këtë herë për të zgjidhur çështjet që po ringjallin interesin për arin si një parajsë investimi, thonë analistët.
“Rritja e metalit të çmuar mbi 3000 dollarë për ons, e nxitur së fundmi nga tarifat e shpallura nga presidenti amerikan Donald Trump, ka bërë që për herë të parë pasiguria gjeopolitike dhe ekonomike ka ndikuar si një levë për rritjen e çmimit në tregun e arit”, tha analisti i HSBC, James Steel.
Ari është rritur me 16% deri më tani këtë vit, pas një rritjeje prej 27% në 2024. Ndërsa trajektorja e tregut nuk do të jetë lineare, analistët theksojnë se hyrja e arit në një trend rritës duket më e qëndrueshme se ajo e 45 viteve më parë. Meqenëse metali i çmuar është i ndërlidhur në mënyrë të kundërt me flukset tregtare, analistët thonë se qëndrimi i Trump ndaj tarifave ka shtyrë investitorët e rinj në ar, për shkak të shqetësimeve për një luftë të plotë tregtare.
Dollari gjithashtu konsiderohet tradicionalisht një strehë e sigurtë, por ka disa shenja të erozionit të këtij perceptimi të investimeve pasi pasiguria rreth tarifave intensifikohet.
Trump ka përmbysur rendin global, duke treguar se SHBA nuk mund të garantojë më sigurinë e Evropës, siç ka bërë Uashingtoni që nga Lufta e Dytë Botërore, duke ndryshuar rrënjësisht qasjen amerikane ndaj luftës në Ukrainë. Shqetësim ka krijuar edhe diskutimi për një aneksim të mundshëm të Grenlandës nga SHBA.
“45 vite më parë, faktorët që e kishin çuar arin në nivele shumë të larta ishin revolucioni iranian dhe kriza e naftës, por ata u korrigjuan relativisht shpejt, duke çuar arin në rënie,” tha Steel i HSBC.
Tensionet tregtare janë shkaku i fundit në një seri arsyesh që çuan në rritjen e çmimit të arit. Bota kaloi një pandemi dyvjeçare, më pas erdhi lufta e Rusisë me Ukrainën në 2022, kriza në tregun kinez të pasurive të paluajtshme dhe lufta e Izraelit në Gaza.
Lini një Përgjigje