FLASH
Shkruar nga Pamfleti
Presidenti i Shteteve të Bashkuara, Donald Trump, do të zhvillojë një vizitë zyrtare në Kinë nga 31 marsi deri më 2 prill. Lajmin e ka konfirmuar një zyrtar i Shtëpisë së Bardhë.
Vizita zhvillohet në një periudhë tensionesh të vazhdueshme mes dy ekonomive më të mëdha në botë. Gjatë takimit pritet të diskutohet mundësia e zgjatjes së armëpushimit tregtar, i cili ka ndikuar në marrëdhëniet ekonomike mes Uashingtonit dhe Pekinit.
Duke komentuar udhëtimin, Presidenti Trump e cilësoi vizitën si të rëndësishme.
“Kjo do të jetë një vizitë e guximshme. Ne duhet të japim shfaqjen më të madhe që keni parë ndonjëherë në historinë e Kinës”, deklaroi ai.
Takimi i fundit mes dy liderëve, i zhvilluar në tetor, nuk trajtoi në mënyrë të drejtpërdrejtë çështjen e Tajvanit.
Megjithatë, sipas deklarimeve të mëparshme, Presidenti kinez Xi Jinping ngriti në shkurt shqetësimin lidhur me shitjet e armëve amerikane ndaj Tajvanit, një temë që mbetet e ndjeshme në marrëdhëniet dypalëshe.
Lini një Përgjigje