FLASH
Shkruar nga Pamfleti
Kryengritja e Wagner me 25 mijë trupa që ka nisur ditën e djeshme ka alarmuar Kremlinin. Presidenti Vladimir Putin do të bëjë një dalje urgjente sot para popullit rus.
Zëdhënësi i Kremlinit Dmitry Peskov ka thënë për mediat se Putin do të dalë së shpejti në një konferencë për mediat.
Kreu i grupit mercenar Wagner, Yevgeny Prigozhin ka deklaruar se forcat e tij kanë marrë nën kontroll qytetin Rostov-on-Don. Mediat e huaja shkruajnë se automjete ushtarake të blinduara janë parë në rrugë e qytetit i cili është mbi 1,100 km në jug të Moskës.
Banorëve të rajonit më të gjerë të Rostovit në kufi me Ukrainën u është thënë të qëndrojnë brenda, sepse forcat e sigurisë po veprojnë në zonë.
Shefi i grupit mercenar Wagner, Yevgeny Prigozhin është zotuar të largojë udhëheqjen e ushtrisë ruse dhe thotë se forcat e tij kanë kaluar në Rusi nga Ukraina.
Ndërkohë Wagner, po hetohet për nxitje të rebelimit, pasi akuzoi ushtrinë ruse për një sulm vdekjeprurës me raketa kundër trupave të tij.
Forcat ruse po bëjnë gjithçka që është e nevojshme për të garantuar sigurinë e banorëve të rajonit të Rostovit.
Kështu deklaroi guvernatori i rajonit, Vasily Golubev, në kanalin e tij Telegram pas njoftimit të kreut të grupit paramilitar Wagner.
Ai shkruan gjithashtu se nuk është e vërtetë se Rostovi është futur në shtetrrethim.
"Situata aktuale kërkon përqendrimin maksimal të të gjitha forcave për të ruajtur rendin. Agjencitë ligjzbatuese po bëjnë gjithçka që është e nevojshme për të garantuar sigurinë e banorëve të qarkut". shkroi guvernatori rus duke u kërkuar të gjithëve të qëndrojnë të qetë dhe të mos dalin nga shtëpia nëse nuk është e nevojshme.
Më herët, kreu i Ministrisë së Situatave të Emergjencave për rajonin njoftoi se informacioni i përhapur në rrjetet sociale dhe mesazhet e çastit për futjen e një shtetrrethimi në rajonin e Rostovit nuk është i vërtetë.
Lini një Përgjigje