FLASH
Shkruar nga Pamfleti
Kryeministri britanik, Rishi Sunak do të shpallë ligje të reja për të shtrënguar kalimet e emigrantëve me varka të vogla. Sunak tha se kushdo që arrin në Mbretërinë e Bashkuar ilegalisht nuk do të ketë të drejtë të kërkojë azil, sipas legjislacionit të ri që pritet të zbulohet të martën, shkruan "The Guadian".
”Nëse vini këtu ilegalisht, nuk do të mund të qëndroni”,-u shpreh Sunak.
Legjislacioni i ri pritet të bëjë të papranueshme kërkesat për azil nga ata që udhëtojnë në Britani me varka të vogla. Sekretari i brendshëm ka për detyrë që të largojë këdo që arrin me një varkë dhe t’i ndalojë ata të kthehen përgjithmonë.
Ndërkohë, Sekretarja e Brendshme Suella Braverman tha për “The Sun”: Mjaft është mjaft! Populli britanik dëshiron që kjo të zgjidhet. Ata janë të lodhur nga fjalët e vështira dhe veprimet e papërshtatshme. Ne duhet të ndalojmë anijet. Kjo është arsyeja pse unë dhe kryeministri kemi punuar vazhdimisht për të sjellë ligje të nevojshme dhe efektive që do ta trajtojnë këtë problem, një herë e përgjithmonë”.
Lini një Përgjigje