FLASH
Shkruar nga Pamfleti
Disa kanale ruse në Telegram kanë publikuar një foto të Bashar al-Assad, teksa shihet krah gruas së tij në Moskë.
Sipas tyre thuhet se kjo është fotografia e parë e diktatorit sirian në Rusi. Assad u largua nga Siria së bashku me familjen, pasi kryengritësit morën në zotërim kryeqytetin Damask.
Bashar al-Assad mbërriti në Moskë me familjen e tij, raportoi agjencia ruse e lajmeve Interfax. Rusia, vazhdon kjo agjenci, i ka garantua azil diktatorit sirian pas rënies së Damaskut. Agjencia e lajmeve Interfax citoi burimin e paidentifikuar të thoshte: “Presidenti sirian Assad ka mbërritur në Moskë. Rusia u dha atyre (atij dhe familjes së tij) azil për arsye humanitare”.
Presidenti amerikane Joe Biden në një konferencë nga Shtëpia e Bardhë e quajti rënien e regjimit të Assad, një mundësi historike për popullin sirian. Sipas tij largimi i Assad është një akt themelor drejtësie, por edhe një moment rreziku dhe pasigurie. Më tej ai shton se 'Assad duhet të sillet para drejtësisë dhe të ndëshkohet'.
Qeveria e Presidentit sirian Bashar al Assad ra të dielën (8 dhjetor) përballë një sulmi të rrufeshëm të kryengritësve që morën kontrollin e kryeqytetit sirian, Damask. Ushtria hodhi në rrugë uniformat e dorëzoi qytetin duke braktisur aeroportin.
Damasku është “tani i lirë nga Assadi”, thanë rebelët në një deklaratë të publikuar në rrjetet sociale. Ndërsa turmat dolën në rrugë për të kremtuar fundin e 50 viteve të sundimit të hekurt të familjes Assad.
There's a picture making rounds of what is being described as Bashar Al-Assad in Moscow.
— Status-6 (Military & Conflict News) (BlueSky too) (@Archer83Able) December 8, 2024
This is incorrect. This screen grab comes from an old footage, which was not taken in Russia and is unrelated to the current events. pic.twitter.com/ZNvQTErFRL
Lini një Përgjigje