FLASH
Shkruar nga Pamfleti
Rusia ka bërë thirrje për mbledhje urgjente të Këshillit të Sigurimit të OKB-së lidhur me situatën në Siri, pas rrëzimit të regjimit të presidentit Bashar al-Asad. Ky takim pritet të mbahet të hënën.
“Në lidhje me ngjarjet e fundit në Siri, pasojat e të cilave për këtë vend dhe për të gjithë rajonin ende nuk janë vlerësuar, Rusia ka kërkuar konsultime urgjente pas dyerve të mbyllura të Këshillit të Sigurimit të OKB-së”, shkroi në një postim në Telegram zëvendës Ambasadori i Rusisë në Kombet e Bashkuara Dmitry Polyansky.
Sipas TASS, Assadi dhe familja e tij morën azil politik nga Rusia për arsye humanitare.
Pati shumë spekulime mbi vendndodhjen e Asad pas raportimeve se ai ishte larguar nga Damasku përpara se rebelët të arrinin atje mëngjesin e sotëm, 8 dhjetor.
Rusia, një nga aleatët më të ngushtë të Asadit, konfirmoi sot se presidenti i Sirisë u largua nga vendi, por nuk tha se ku ishte apo nëse Moska i kishte dhënë strehim.
Lini një Përgjigje