FLASH
Shkruar nga Pamfleti
Sekretari i Përgjithshëm i NATO-s, Jens Stoltenberg foli sot për përpjekjet e Aleancës për të përshtatur aftësitë e saj ndaj kërcënimeve aktuale të sigurisë, duke marrë parasysh retorikën dhe stërvitjet e fundit bërthamore të Rusisë.
Duke folur me gazetarët përpara një takimi dy-ditor të ministrave të mbrojtjes të NATO-s në Bruksel, ku do të mbahet një takim mbi planet bërthamore të aleancës, Jens Stoltenberg i quajti armët bërthamore të NATO-s si "garancia e fundit e sigurisë" dhe një mjet për të ruajtur paqen.
Sipas Reuters, edhe pse dihet se SHBA ka bomba bërthamore në disa lokacione në Evropë, NATO rrallëherë flet publikisht për këto armë.
Duke diskutuar atë që ai e quajti "përshtatjen e përhershme" të arsenalit bërthamor të NATO-s, Stoltenberg tha se Holanda kishte deklaruar avionët e parë F-35 të gatshëm për të mbajtur armë bërthamore në qershor dhe tha se SHBA po modernizonte armët e saj bërthamore në Evropë.
Ai përshkroi rritjen e aktivitetit të Rusisë në lidhje me aftësitë e saj bërthamore si të rrezikshme.
“Ajo që kemi parë vitet dhe muajt e fundit është retorikë e rrezikshme bërthamore nga pala ruse... Ne shohim edhe disa stërvitje, stërvitje bërthamore nga pala ruse”, tha ai.
Lini një Përgjigje