FLASH
Shkruar nga Pamfleti
Një ngjarje e çuditshme ka ndodhur në Francë, ku një gisht i prerë njeriu i është dërgua me postë presidentit francez, Emmanuel Macron gjatë kohës që shpërthyen protestat në Paris.
Sipas asaj që raporton, ‘Evening Standard’, gishti i amputuar mbërriti në një pako në Pallatin Elysee, rezidenca zyrtare e presidentit në Qytetin e Dritës, të hënën dhe në të nuk kishte asnjë shënim apo shpjegim.
“Gishti fillimisht u vendos në një frigorifer ku policia vendosi ushqimet e tyre. Kjo ishte për t'u siguruar që ishte ruajtur dhe mund të analizohej sa më shpejt që të ishte e mundur", tha një burim nga rezidenca e presidentit.
Testet më vonë dolën në përfundimin se gishti i përkiste një "qenieje njerëzore të gjallë" të cilën autoritetet e kontaktuan dhe i dhanë mbështetje e plotë mjekësore, shtoi burimi.
Personi të cilit iu pre gishti nuk u identifikua për shkak të konfidencialitetit mjekësor, sipas gazetës.
Dorëzimi kërcënues habiti forcat e rendit, të cilët nuk kishin asnjë ide se çfarë e kishte motivuar dërguesin.
“Nuk është aspak e qartë pse ky gisht iu dërgua presidentit”, tha burimi, i cili nuk dha detaje të tjera rreth incidentit të çuditshëm.
Por mesazhi erdhi ndërsa Macron përballet me kritika dhe trazira masive për çështje që variojnë nga reforma e pensioneve deri te vrasja vdekjeprurëse e policisë ndaj shoferit 17-vjeçar francezo-algjerian Nahel M.
Qindra protestues kundërshtuan një ndalim gjatë fundjavës për të marshuar kundër dhunës policore në Paris pas të paktën 150 arrestimeve , disa prej të cilave erdhën nga ndërtesat e djegura.
Ndërkohë që më shumë trazira të zjarrta priten të premten, kur Macron drejton festimet e Ditës së Bastiljes në Paris.
Lini një Përgjigje