FLASH
Shkruar nga Pamfleti
Një zëdhënës i Shërbimit Sekret ka konfirmuar se në Shtëpinë e Bardhë është gjetur dy herë marijuanë, disa muaj para se të gjenin kokainë në Shtëpinë e Bardhë.
“Sipas Departamentit të Shërbimit Sekret, sasi të vogla marijuane u gjetën në dy raste në Shtëpinë e Bardhë në vitin 2022 qershor dhe shtator në një pikë kontrolli. Askush nuk u arrestua në këto incidente sepse shuma e sekuestruar ishte aq e vogël sa nuk plotësonte pragun ligjor për akuzat për kundërvajtje federale ose penale në Uashington” tha zëdhënësi në kushte anonimiteti.
Zyrtarët e shërbimit të sigurisë gjithashtu i kishin raportuar dy incidentet anëtarëve të Komisionit të Mbikëqyrjes së Dhomës së Përfaqësuesve gjatë një konference me dyer të mbyllura.
Ndërkohë pak javë më parë kokaina u gjet në Shtëpinë e Bardhë, në një zonë pune në Ëest ëing duke nxitur evakuimin e rezidencës presidenciale.
Në pyetjen vendimtare se si u gjet kokaina në Shtëpinë e Bardhë, Shërbimi Sekret pranon se, pavarësisht një hetimi të plotë, ata nuk kanë arritur në një përfundim.
Qindra njerëz kishin akses në vendin ku u gjet substanca, por ADN-ja që ata morën nuk ishte e mjaftueshme për hetimin, thanë ata.
Një burim i cili kishte dijeni për këtë çështje tha për mediat e huaja se hipoteza kryesore e hetuesve është se kokaina është lënë aty nga një vizitor.
Më herët u pretendua se kokaina i përkiste djalit të Presidentit Joe Biden, Hunter.
Megjithatë, kur u gjet kokaina, Biden dhe djali i tij nuk ishin të pranishëm në Shtëpinë e Bardhë.
Nga ana e tij, ish-presidenti i SHBA-së, Donald Trump, ka shprehur besimin se inteligjenca amerikane e di se kush e la kokainën në Shtëpinë e Bardhë në korrik.
Lini një Përgjigje