FLASH
Shkruar nga Pamfleti
Ministria bjelloruse e Mbrojtjes ka konfirmuar se luftëtarët e grupit privat Wagner kanë nisur një fushatë trajnimi me forcat e mbrojtjes territoriale në Bjellorusi.
Sipas ministrisë bjelloruse eksperienca e Wagnerit po përdoret për të trajnuar një njësi trupash në qytetin Osipovichi.
Qyteti është shtëpia e një kampi të zbrazët që mercenarët rebelë rusë nuk e kanë përdorur ende dhe ndoshta edhe një objekt magazinimi për armët taktike bërthamore që Rusia thotë se ka vendosur në Bjellorusi.
"Rekrutët zotërojnë aftësitë e lëvizjes në fushën e betejës dhe të shtënave taktike, duke fituar njohuri në trajnimin inxhinierik dhe mjekësinë taktike. Luftëtarët e Wagner PMC vepruan si instruktorë në një sërë disiplinash ushtarake", tha ministria në Telegram.
Udhëheqësi i Grupit Wagner, Yevgeny Prigozhin, u internua në Bjellorusi pas rebelimit të tij të armatosur të ndërprerë muajin e kaluar. Megjithatë, është e paqartë nëse ai është në Bjellorusi apo në Rusi. Sot u publikua një foto e tij në një tendë e cila pretendohej se ndohej në Bjellorusi, por informacion nuk është mundur të verifikohet.
Lini një Përgjigje