FLASH
Shkruar nga Pamfleti
Pak para përfundimit të konferencës për shtyp në Shtëpinë e Bardhë, korrespondentja e CNN, Kaitlan Collins, i bëri një pyetje të drejtpërdrejtë sekretares së shtypit Karoline Leavitt lidhur me komentet e sekretarit të Mbrojtjes Pete Hegseth.
Gjatë ditëve të fundit, Hegseth është shprehur se mediat po i japin prioritet të madh lajmeve për vdekjet e ushtarëve amerikanë, duke pretenduar se kjo bëhet “për të bërë presidentin të duket keq” dhe se “kur ndodhin tragjedi të tilla, bëhen lajm në faqen e parë”.
“A është qëndrimi i kësaj administrate që shtypi të mos mbulojë në mënyrë të dukshme vdekjet e anëtarëve të shërbimit amerikan?”, Collins e pyeti Leavitt.
Leavitt u përgjigj ashpër, duke e akuzuar CNN dhe Collins-in personalisht për paragjykim. Ajo tha se rrjeti i tyre mediat merr çdo gjë që thotë administrata dhe përpiqet ta përdorë atë për ta bërë presidentin të duket keq.
NEW: Karoline Leavitt calls out CNN for what she describes as "disingenuous" coverage of the U.S. strikes on Iran:
— Fox News (@FoxNews) March 4, 2026
"That's not what the secretary said, Kaitlan. And that's not what the secretary meant, and you know it. You know you're being disingenuous."
"The press only wants… pic.twitter.com/Pb24FQD61S
"Nuk është kjo ajo që tha sekretari, Kaitlan dhe ti e di këtë. Ti e di që po tregohesh e pasinqertë. Shtypi dëshiron vetëm ta bëjë presidentin të duket keq. Ky është një fakt... Sidomos ti dhe veçanërisht CNN", tha ajo.
Leavitt shtoi se pretendimi se Hegseth “po ankohej” për mbulimin është i shtrembëruar dhe se ajo dhe rrjeti i saj e dini shumë mirë këtë.
Shkëmbimi u tensionua për disa minuta, me Leavitt duke theksuar se mbulimi i CNN-së për administratën është “kryesisht negativ” dhe se populli amerikan pajtohej me këtë.
Ngjarja vjen në mes të tensioneve të larta ushtarake mes SHBA-së, Izraelit dhe Iranit, ku gjashtë ushtarë amerikanë kanë humbur jetën që nga fillimi i operacioneve të fundit. Vdekjet kanë tërhequr vëmendje të madhe mediatike, ndërsa administrata Trump ka paralajmëruar se mund të ketë edhe më shumë humbje jetësh.
Lini një Përgjigje