FLASH
Shkruar nga Pamfleti
Izraeli konfirmoi granatime të reja në kampit e refugjatëve Jabaliya, i dyti nga ato që ndodhën në zonë dje, duke thënë se kishte neutralizuar një tjetër udhëheqës të Hamasit.
Duke injoruar totalisht thirrjet e OKB-së se sulmet ndaj kampeve janë krime ndaj njerëzimit, forcat izraelite përsëritën pretendimin se Hamasi mban një qendër operacionale në kampin e refugjatëve.
“Ushtria, nën udhëzimet e shërbimeve sekrete të Izraelit, neutralizoi me një avion luftarak Muhammad Atzar, kreun e sistemit antitank të organizatës terroriste Hamas, i cili ishte përgjegjës për të gjitha sistemet antitank në brigada të ndryshme në Gaza”, njoftoi IDF.
Në të njëjtën kohë, IDF njoftoi se ka në zotërim një bisedë midis komandantëve të Hamasit, ku është përfshirë komandanti i Spitalit Indonezian në zonë, i cili demonstron “cinizmin e terroristëve në lidhje me përdorimin e burimeve humanitare në Rripin e Gazës”.
“Hamasi vjedh karburantin nga spitalet e Gazës. Në dialogun e përgjuar më poshtë, një komandant i Hamasit përmend në mënyrë të përsëritur se ata po marrin karburant nga stoqet e spitaleve dhe konfirmon se Hamasi kontrollon shpërndarjen e tij në Gaza, duke i dhënë përparësi nevojave të terroristëve mbi civilët”, raportoi gjithashtu Izraeli.
Një sulm izraelit në kampin e refugjatëve Jabalya të martën la dëme katastrofike dhe vrau një numër të madh njerëzish, sipas dëshmitarëve okularë dhe mjekëve atje. Izraeli thotë se sulmi i tij kishte në shënjestër dhe vrau një komandant të lartë të Hamasit, ndërsa Hamasi mohoi me forcë praninë e një prej liderëve të tij në kamp.
Lini një Përgjigje