FLASH
Shkruar nga Pamfleti
"Ne e paralajmërojmë Presidentin Trump, Netanyahu po ju mashtron! Ju thatë se nuk do të lejonit aneksimin, por ai po e kryen atë para hundës suaj"...
Qeveria izraelite ka avancuar regjistrimin e territorit në Bregun Perëndimor të pushtuar si tokë shtetërore, një veprim që palestinezët e kanë cilësuar si "aneksim de facto". Për herë të parë që kur Izraeli pushtoi territorin në vitin 1967, qeveria do të krijojë një mekanizëm për të regjistruar zyrtarisht sipërfaqe të mëdha toke nën shtet.
Ministria e Jashtme e Izraelit e mbrojti këtë veprim si një “masë administrative” që do të “vendoste rregull” në regjistrimin e tokës. Por ministrat e qeverisë e bënë të qartë se qëllimi ishte rritja e vendbanimeve dhe forcimi i kontrollit të Izraelit mbi tokën.
Ministri i Financave i ekstremit të djathtë, Bezalal Smotrich, tha se regjistri i tokës do të vazhdojë revolucionin e vendbanimeve dhe qeverisjes në të gjitha pjesët e tokës së tyre, ndërsa iu referua Judesë dhe Samarisë, termi biblik për Bregun Perëndimor.
Dhe Ministri i Drejtësisë Yariv Levin tha se Izraeli është i përkushtuar për të forcuar kontrollin e tij mbi të gjitha pjesët e tokës që i takojn dhe se ky vendim shpreh këtë angazhim”.
Masa e re e qeverisë do të zbatohet në atë që njihet si Zona C e Bregut Perëndimor, rreth 60% e territorit dhe shtëpia e rreth 180,000-300,000 palestinezëve dhe një popullsie kolonësh prej të paktën 325,500, sipas grupit izraelit të të drejtave të njeriut Btselem.
Presidenca palestineze tha se vendimi shkelte të drejtën ndërkombëtare dhe përbënte "aneksim de facto të territorit të pushtuar palestinez". Në një deklaratë, zyra e presidentit paralajmëroi se ky veprim ishte një deklaratë e planeve të aneksimit që synonin forcimin e pushtimit përmes aktivitetit të paligjshëm të vendbanimeve.
Izraeli pushtoi Bregun Perëndimor nga Jordania në luftën e vitit 1967 dhe më pas filloi të ndërtonte vendbanime hebraike atje, të cilat konsiderohen të paligjshme sipas ligjit ndërkombëtar, nga Kombet e Bashkuara dhe nga pjesa më e madhe e bashkësisë ndërkombëtare. OKB-ja gjithashtu e konsideron Bregun Perëndimor dhe Jerusalemin Lindor si territor të pushtuar, të cilin palestinezët e kërkojnë për një shtet të ardhshëm.
Paqja Tani, një organizatë mbikëqyrëse izraelite e vendbanimeve, e përshkroi veprimin e qeverisë si “një grabitje masive të tokës në Bregun Perëndimor… krejtësisht kundër vullnetit të popullit dhe në kundërshtim me interesat më të mira të Izraelit.
Qeveria izraelite e miratoi masën pavarësisht kundërshtimit të deklaruar të Presidentit të SHBA-së Donald Trump ndaj aneksimit të Bregut Perëndimor.
“Ne e paralajmërojmë Presidentin Trump, Netanyahu po ju mashtron! Ju thatë se nuk do të lejonit aneksimin, por ai po e kryen atë para hundës suaj. Procesi kërkon që pronarët e tokës të vërtetojnë pronësinë në mënyra që janë pothuajse të pamundura për shumicën e palestinezëve; nëse dështojnë, toka do të regjistrohet automatikisht si tokë shtetërore”, tha Peace Now, duke shtuar se ky veprim do të çonte në shpronësimin e mijëra palestinezëve nga toka e tyre.
Kjo masë e fundit vjen pasi kabineti i sigurisë i Izraelit miratoi një masë javën e kaluar që zgjeroi sundimin dhe qeverisjen izraelite mbi Bregun Perëndimor. Masa u dënua ndërkombëtarisht, me Sekretarin e Përgjithshëm të OKB-së Antonio Guterres që e quajti atë një shkelje flagrante të së drejtës ndërkombëtare dhe Bashkimin Evropian që tha se është një "hap në drejtimin e gabuar"./Përshtati "Pamfleti" nga "CNN"
Keshtu do fillojne edhe ne Shqipëri, ne mos e kane filluar.