FLASH
Shkruar nga Pamfleti
Sanae Takaichi paralajmëron për rreziqet nga programi bërthamor i Iranit dhe ndikimin në ekonominë botërore
Gjatë një takimi në Zyrën Ovale me presidentin amerikan Donald Trump, kryeministrja e Japonisë, Sanae Takaichi, deklaroi se vetëm Trump ka aftësinë për të arritur paqen në nivel global.
Sipas raportimit të BBC, Takaichi theksoi se zhvillimi i armëve bërthamore nga Irani “nuk duhet të lejohet kurrë”, duke paralajmëruar për pasoja të rënda në sigurinë ndërkombëtare dhe stabilitetin ekonomik global.
Ajo shtoi se ekonomia botërore rrezikon të përballet me tronditje të mëdha si pasojë e zhvillimeve të fundit, ndërsa konfirmoi se zyrtarët japonezë i kanë bërë thirrje drejtpërdrejt Iranit të ndalojë sulmet ndaj infrastrukturës energjetike.
Nga ana e tij, Donald Trump përsëriti qëndrimin e tij lidhur me konfliktin me Iranin, duke deklaruar se Shtetet e Bashkuara dhe Izraeli kanë neutralizuar kapacitetet kryesore ushtarake të Iranit, përfshirë marinën, forcën ajrore dhe strukturat drejtuese.
“Ne kemi hequr gjithçka përveç tubave,” u shpreh Trump, duke shtuar se operacionet ushtarake kanë përparuar më shpejt se sa ishte parashikuar.
I pyetur për mundësinë e dërgimit të trupave shtesë amerikane në rajon, Trump deklaroi se nuk ka plane për një vendosje të tillë. Megjithatë, ai shtoi se edhe nëse do të kishte një plan, nuk do ta bënte publik.
Lini një Përgjigje