FLASH
Shkruar nga Pamfleti
Episod i ri në përballjen midis presidentit amerikan dhe kryeministrit italian
“Kryeministrja italiane Giorgia Meloni është negative. Kushdo që refuzoi të na ofronte ndihmë në menaxhimin e situatës me Iranin,nuk do të ketë më marrëdhenie të njëjta me ne. Vetëm që ta dini: Italia merr sasi të mëdha nafte nga Ngushtica”, tha Donald Trump në një intervistë me Fox News.
“Ajo është e papranueshme sepse nuk i intereson nëse Irani ka armë bërthamore dhe do ta hidhte në erë Italinë brenda dy minutash nëse do të kishte mundësi”, ishte përgjigjja e shkurtër e presidentit amerikan.
“Ajo nuk është më i njëjti person dhe Italia nuk do të jetë më kurrë i njëjti vend”, shtoi Trump, duke thënë se nuk kishte qenë në kontakt me Melonin “për një kohë të gjatë”.
Ministri i Jashtëm italian Antonio Tajani iu përgjigj nga Berlini deklaratave të Trump, duke theksuar “besoj se duhet të merret gjithmonë parasysh se një marrëdhënie aleance dhe miqësie, siç është ajo midis Italisë dhe Shteteve të Bashkuara, duhet të bazohet në besim dhe respekt. Diçka që e kemi bërë gjithmonë”.
Por, në një intervistë me gazetën italiane Corriere della Sera, Presidenti i SHBA-së Donald Trump tha se ishte “i shokuar” nga kryeministrja italiane Giorgia Meloni. “Nuk mund ta imagjinoj. Jam i shokuar prej saj. Mendova se ishte e guximshme, por gabohesha”, tha Trump .
Komentet e presidentit amerikan vijnë pasi kryeministrja italiane mbrojti Papa Leon XIV gjatë një debate në distancë midis Papës dhe Trump në lidhje me luftën në Iran. Komentet e Trump në lidhje me Papën ishin "të papranueshme", sipas Melonit.
"Unë kam shprehur dhe vazhdoj të shpreh solidaritetin tim me Papa Leon", tha kryeministrja italiane, duke shtuar “sinqerisht, nuk do të ndihesha rehat në një shoqëri ku udhëheqësit fetarë bëjnë çfarëdo që thonë udhëheqësit politikë. Jo në këtë pjesë të botës."
Lini një Përgjigje