FLASH
Shkruar nga Pamfleti
Ish-presidenti i Shteteve të Bashkuara të Amerikës, Donald Trump është gjobitur me 9 mijë dollarë nga një gjykatë në Nju Jork pasi shkeli një urdhër të gjykatësit mbi ndalimin e postimeve në rrjetin e tij social “Truth Social” mbi gjyqtarët dhe dëshmitarët ndaj tij në gjyqin për mashtrimin me taksat.
Gjyqtari Juan Merchan, përmendi nëntë shkelje që Trump kishte bërë me fyerjet ndaj gjyqtarëve në rrjetin e tij social dhe e gjobiti atë me nga 1 mijë dollarë për çdo shkelje. Trump është paralajmëruar se mund të përfundojë në burg nëse vijon të shkelë vendimet e gjyqtarit. Çdo shkelje e ardhshme e Trump mund të pasohet nga gjoba të majme ose burgim deri në 30 ditë për ish-presidentin amerikan.
Prokurorët argumentuan se Trump vazhdoi të shkelte me dashje dhe në mënyrë flagrante urdhrin gjatë gjyqit. Një postim i Truth Social pretendonte se aktivistët liberalë të fshehtë po përpiqeshin të hynin fshehurazi te juria. Në një rast tjetër, ata thanë se zoti Trump kishte shpërndarë artikuj që përçmonin Cohen.
"Ai e di për urdhrin, ai e di se çfarë nuk i lejohet të bëjë, por ai e bën atë gjithsesi," i tha gjykatës të martën prokurori Christopher Conroy gjatë një seance dëgjimore për shkeljet.
Todd Blanche, avokati i zotit Trump, u përball me pyetje të mprehta nga Justice Merchan kur u përpoq të argumentonte se zoti Trump nuk e dinte se ai po shkelte urdhrin. Blanche argumentoi se klienti i tij ishte përpjekur "me shumë kujdes" të respektonte rregullat. Por Justice Merchan u përgjigj se z. Blanche "po humbte të gjithë besueshmërinë në gjykatë".
Pas shtyrjes së gjykatës, Trump e quajti urdhrin një "turp" dhe shprehu zhgënjim. Trump ka përdorur mediat sociale si një pjesë kyçe të strategjisë së tij të mbrojtjes në gjykatën e opinionit publik.
Gjyqtarët që mbikëqyrin çështje të ndryshme të Trump, si gjyqi i tij për mashtrim civil në Nju Jork dhe rasti i ndërhyrjes federale në zgjedhje, i kanë vendosur kufizime zotit Trump.
Në urdhrin e tij të amenduar, gjykatësi Merchan pranoi se zoti Trump kishte të drejtën kushtetuese për t'u folur lirshëm votuesve amerikanë dhe për të mbrojtur veten publikisht.
Lini një Përgjigje