FLASH
Shkruar nga Pamfleti
Fregatat e Marinës greke Kimon dhe Psara mbërritën në Qipro të mërkurën në mëngjes.
Departamenti i Shtetit lëshoi një direktivë për largimin e personelit jo-thelbësor nga ambasada amerikane në Qipro
Ndërkohë ushtria izraelite nisi një valë të re masive bombardimesh në Iran. Teherani të martën goditi një konsullatë amerikane në Dubai, një bazë amerikane në Katar dhe një stacion të CIA-s.
Bombardimet e reja izraelite gjatë natës në Liban vranë të paktën 11 persona në komunitetet në jug të Bejrutit dhe në Baalbek, thanë ministria e shëndetësisë dhe media zyrtare, në ditën e pestë të luftës në Lindjen e Mesme.
Në jug të kryeqytetit, "sulmet armike izraelite në zonat Aramoun dhe Saadiyat" vranë gjashtë persona dhe plagosën tetë të tjerë, sipas ministrisë së shëndetësisë libaneze.
Në Baalbek (lindje), një qytet me popullsi shumicë shiite, të paktën pesë persona u vranë kur një ndërtesë apartamentesh me katër kate u bombardua, raportoi agjencia kombëtare libaneze e lajmeve ANI.
Nga ana tjetër Britania po planifikon të dërgojë një anije luftarake për të mbrojtur bazën e Forcave Ajrore Mbretërore Britanike (RAF) në Akrotiri të Qipros nga sulmet iraniane.
Gazeta Times raportoi, duke cituar tre burime se Sekretari i Mbrojtjes, John Healy u takua këtë të marte me zyrtarë të lartë ushtarakë me të cilët diskutoi vendosjen e anijes luftarake “Duncan” në rajon.
Edhe Franca po planifikon të dërgojë sisteme anti-raketash dhe anti-dronë në Qipro.
Marina Mbretërore ka gjashtë shkatërrues të Tipit 45, të cilët janë projektuar për mbrojtje ajrore. Megjithatë, në janar, Sekretari i Mbrojtjes Vernon Coker konfirmoi se vetëm tre prej tyre janë funksionalë.
Lini një Përgjigje