FLASH
Shkruar nga Pamfleti
Kryeministri britanik, Keir Starmer tha se Britania e Madhe do të mbështesë Danimarkën në përgjigje të pretendimeve të Presidentit të SHBA-së Donald Trump në lidhje me sovranitetin e Groenlandës.
I pyetur lidhur me përgjigjen e ashpër të Kryeministres daneze Mette Frederiksen ndaj Trump, Sir Keir tregoi sot një distancim të rrallë dhe të qartë nga presidenti i SHBA-së duke e kundërshtuar lidhur me Groenlandën.
"Unë jam në anën e saj, Frederiksen ka të drejtë për të ardhmen e Groenlandës", u shpreh Starmer.
Edhe kryeministri i Groenlandës Jens Frederik Nielsen, reagoi ashpër ndaj Trump, ku kërkoi të ndalet presioni i Trump.
Më herët, presidenti Trump deklaroi se SHBA ka nevojë për Groenlandën, për sigurinë e vet kombëtare dhe sipas tij, Danimarka nuk do të jetë në gjendje që të kujdeset për të.
“Ne kemi nevojë për Groenlandën, për sigurinë e SHBA-së”, tha Trump para gazetarëve në Air Force One.
Lini një Përgjigje