FLASH
Shkruar nga Pamfleti
Një valë e re raketash dhe dronësh janë lëshuar nga Irani drejt territorit të Izraelit, raporton Agjencia shtetërore e lajmeve të Emirateve të Bashkuara Arabe, WAM.
Në Bahrein, Ministria e Brendshme bëri të ditur se sirenat e alarmit u aktivizuan në të gjithë vendin. Autoritetet bahrejnase konfirmuan më herët një sulm brenda territorit të tyre, duke sqaruar se një qendër shërbimi e Flotës së Pestë të Shteteve të Bashkuara ishte goditur.
Disa shtete arabe të Gjirit Persik deklaruan se kanë qenë objektiv i raketave iraniane, pa dhënë detaje të mëtejshme për dëmet apo viktimat.
Sipas agjencisë italiane të lajmeve ANSA, shpërthime u dëgjuan edhe në qendër të Tel Avivit. Agjencia raportoi nga vendngjarja se sirenat e alarmit vazhdojnë të bien për shkak të lëshimeve të vazhdueshme të raketave nga Irani.
Ndërkohë ka pasur shpërthime në Teheran, si kundërpërgjigje e Izraelit.
Lini një Përgjigje