FLASH
Shkruar nga Pamfleti
Një aksident i rëndë rrugor ka ndodhur dje në Bosnje, ku për pasojë ka humbur jetë një deputet bashkë me gruan dhe fëmijën e tyre.
Lajmi është konfirmuar nga Policia e Banjallukës, ndërsa detajet e para janë bërë publike nga media lokale "Klix". Aksidenti fatal ndodhi rreth orës 12:50 në autostradën "9 Janari", në segmentin Doboj–Banjallukë dhe viktimë është deputeti Sërgjan Todoroviç.
Sipas të dhënave paraprake, mjeti Volvo që drejtohej nga Todoroviç është përplasur me shpejtësi të madhe me rimorkion e një kamioni që ishte ndalur në rrugë si pasojë e një aksidenti të mëparshëm. Të tre anëtarët e familjes humbën jetën në vendngjarje.
Autoritetet janë duke hetuar rrethanat e plota të ngjarjes, ndërsa ky aksident ka tronditur opinionin publik në Bosnje dhe më gjerë.
Lini një Përgjigje