FLASH
Shkruar nga Pamfleti
SPAK le ta marrë si indicie dhe ta hetojë këtë vjedhje me letra zyrtare false në vlerën 26.4 milionë Euro shtesë në favor të Vilma Nushit, që ministreshat Ogerta Manastirliu e Delina Ibrahimaj nuk do guxonin ta bënin pa bekimin e Bablokut...
Megjithëse 3 koncesionet e Ilir Beqjes në shëndetësi janë nën hetim intensiv nga SPAK e për një prej tyre janë bërë arrestime, ministresha Ogerta Manstirliu, ka lënë gati për zbatim skenarin e zgjatjes së PPP-së së Check-up të Vilma Nushit.
Sipas informacionit, 3 javë para largimit nga detyra, Manastirliu ka dërguar në Agjencinë e Trajtimit të Koncesioneve (ATRAKO) pranë Ministrinë e Ekonomi-Financave, draft-kërkesën për të zgjatur me 2 vite kontratën koncesionare të kontrollit mjekësor.
Në kërkesën e çuar nga Ogerta Manastirliu, thuhet se zgjatja e afatit të Check-up, duhet bërë në bazë të Pikës 3.1.1 të kontratës së datës 7 janar 2015 lidhur mes Ilir Beqjes e Vilma Nushit, ku përcaktohet se koncesioni zgjatet për aq kohë sa bllokohet nga qeveria ose për shkaqe natyrore.
Si argument, është përdorur bllokimi i “Check-up” në periudhën e “Covid 19” maj-korrik 2020, kur qeveria me Akt Normativ pezulloi bërjen e kontrollit mjekësor dhe pagesat për Vilma Nushin, duke e kaluar fondin 4.2 milionë Euro të asaj periudhe për ilaçe e pajisje anti-covid.
Por në skenarin e Ogerta Manastirliut për zgjatjen e kontratës së “Check-up”, ka dy mashtrime të cilat janë vjedhje fondesh shtetërore me letra false, që shkojnë te xhepat e Vilma Nishit, te Babloku e “ca dardha i ha” edhe Ogerta.
Mashtrimi i parë është ky: Megjithëse kontrolli mjekësor nuk u bë realisht për 3 muaj, pagesat për Vilma Nushin gjatë vitit 2020 janë bërë të plota nga ministria dhe Fondi i Kujdesit Shëndetësor në vlerën 13.2 milionë Euro me TVSH.
Mashtrimi i dytë është ky: “Check-up” është bllokuar vetëm 3 muaj për shkak të “Covid 19”, ndërsa ministresha Manastirliu ka vendosur dhe i ka kërkuar Ministrisë së Financave, që zgjatja të bëhet për 2 vite, me vlerë shtesë 26.4 milionë Euro mbi vlerën totale 132.2 milionë Euro.
Sipas ligjit për PPP-të dhe Pikës 3.1.1 të kontratës, koncesioni zgjatet për aq kohë sa është bllokuar e asnjë ditë më tepër, ndërsa Manastirliu ka kërkuar të zgjatet 2 vite, kur realisht nuk duhet zgjatur as 1 ditë, mbasi Vilma Nushi është paguar plotësisht.
Edhe ministresha e Financave, Delina Ibrahimaj, para largimit nga detyra i ka dhënë miratimin Agjencisë së Koncesioneve, për të trajtuar kërkesën e zgjatjesc së afatit të “Check-up”, duke ia lënë në dorë pasardhësit të saj Ervin Mete.
Për të realizuar këtë skenar vjedhjeje, Manastirliu ka hartuar dokumente e të dhëna zyrtare false, sikur “Check-up” është bllokuar dhe nuk është paguar për 2 vite, kur krejt emergjenca e “Covid 19” dhe masat bllokuese për popullatën zgjatën afro 7 muaj.
SPAK le ta marrë si indicie dhe ta hetojë këtë vjedhje me letra zyrtare false në vlerën 26.4 milionë Euro shtesë në favor të Vilma Nushit, që ministreshat Ogerta Manastirliu e Delina Ibrahimaj nuk do guxonin ta bënin pa “bekimin” e Bablokut. /Pamfleti
Lini një Përgjigje