FLASH
Shkruar nga Pamfleti
Provë zyrtare është Vendimi Nr. 855, datë 7.12.2016 i qeverisë, përgatitur nga Engjëll Agaçi dhe i firmosur nga kryeministri Edi Rama, i cili, me propozim të ish-ministrit Lefter Koka, i ka dhënë bonusin 8% firmës “Integrated Energy B.V.” të Klodian Zotos, si gjoja fituese e koncesionit për landfillin e Tiranës...
Kreu i SPAK, Altin Dumani, pa asnjë provë nxitoi dhe shpalli ish-ministrin e Financave, Arben Ahmetaj si “koka e landfilleve”, kur vetë SPAK në dosjen hetimore, pranon se Ahmetaj ka refuzuar 5 herë fillimin e procedurës së landfillit të Tiranës dhe nuk ka marrë pjesë në veprimet e paligjshme të miratimit pas refuzimit prej tij.
Dokumentet që ka SPAK me refuzimet e Arben Ahmetajt dhe dokumenti që po publikon “Pamfleti”, vërteton se Edi Rama, Erjon Veliaj, Engjëll Agaçi e Lefter Koka, janë grupi që sajoi, inskenoi dhe realizoi aferën e landfillit të Tiranës.
Provë zyrtare është Vendimi Nr. 855, datë 7.12.2016 i qeverisë, përgatitur nga Engjëll Agaçi dhe i firmosur nga kryeministri Edi Rama, i cili, me propozim të ish-ministrit Lefter Koka, i ka dhënë bonusin 8% firmës “Integrated Energy B.V.” të Klodian Zotos, si gjoja fituese e koncesionit për landfillin e Tiranës.
Mirëpo firma e shpallur fituese që merr bonusin më 7 dhjetor 2016, është krijuar 9 muaj më mbrapa nga Klodian Zoto; mashtrim shtetëror ky, që mjafton për ta detyruar SPAK-un të marrë të pandehur kryeministrin Edi Rama që ka firmosur vendimin dhe Engjëll Agaçin që ka paraqitur projekt-vendimin në qeveri, ndërsa Lefter Koka është në qeli.
Skandal tjetër në këtë vendim qeverie është edhe ky: kryeministri Edi Rama ka mashtruar zyrtarisht me qëllim favorizimin e Klodian Zotos, duke thënë se firma “Integrated Energy B.V.” e landfilit ishte shpallur fituese me garë të hapur, kur kjo firmë është krijuar më 30 gusht 2017, ndërsa bonusi si fituese i është dhënë në dhjetor 2016.
Mirëpo çuditërisht, SPAK i është vërsulur Arben Ahmetajt, për pazaret dhe pisllëqet që kanë bërë Edi Rama, Erjon Veliaj, Engjëll Agaçi e Lefter Koka.
Nëse Altin Dumani e ka detyrë të “hap sytë’ e ti rishikojë dokumentet, nuk është turp të rifillojë procedimin mbi bazën e dokumenteve prova, sepse drejtësia vepron me letra zyrtare e jo me letra anonime./Pamfleti
Lini një Përgjigje