FLASH
Shkruar nga Pamfleti
Hapet lëvizja në të dyja kahet pas 8 orë bllokimi i aksit rrugor Librazhd-Qafë Thanë, pjesë e korridorit të VIII, nyja kryesore lidhëse e juglindjes së vendit.
Policia ka reaguar lidhur me bllokimin e aksit Përrenjas-Librazhd pas rënies së masivit shkëmbor në Dragostunjë.
Në një njoftim, bëhet me dije se lëvizja është e lirë në të dy kahet, ndërsa ka bërë apel që drejtuesit e mjeteve të kenë kujdes gjatë qarkullimit dhe qëndrimin në radhë.
“Në vijim të informacionit të dhënë për bllokimin e qarkullimit në aksin rrugor “Librazhd – Qafë Thanë”, në vendin e quajtur Dragostunjë, ju njoftojmë se aktualisht rruga është hapur dhe qarkullimi i automjeteve vijon normalisht në të dyja kahet e lëvizjes.
Shërbimet e Policisë Rrugore, patrullat e Përgjithshme dhe Shqiponjat janë prezente në të gjithë gjatësinë e aksit, me qëllim monitorimin e lëvizjes së lirë të automjeteve.
Për shkak të fluksit të shtuar, Policia Rrugore e Elbasanit apelon për kujdes gjatë qarkullimit, qëndrimin në radhë dhe respektimin me rigorozitet të rregullave të qarkullimit rrugor”, njoftoi policia.
Lini një Përgjigje