FLASH
Shkruar nga Pamfleti
Gazetari Trashgim Sokolaj thotë se predha e armës me të cilën është qëlluar biznesmeni i ndërtimit Eduart Reçi është gjetur nga policia.
I ftuar në emisionin “360 gradë” në “AbcNews”, gazetari Sokolaj u shpreh se dyshohet që është përdorur një armë me mulli, e precizionit të lartë që nuk krijon shtytje.
“Kemi një mënyrë ekzekutimi të rrallë të ndodhur ndoshta vetëm dy herë të tjera në formë të përngjashme në 10 vitet e fundit. Policia ka qëndruar gjithë ditën në vendin e ngjarjes dhe vetëm pasdite ka arritur të gjejë predhën që ka goditur viktimën, është kalibër 5.6 mm.
E ka goditur në kafkë, ka pasur vështirësi për të përcaktuar shumë rrethana të ngjarjes, nga është qëlluar, mënyrën se si është realizuar ngjarja. Predha tani na tregon se është armë e precizionit të lartë që nuk krijon shtytje. Ideja është që dyshimet se është armë me mulli dhe i mban gëzhojat, por mbetet për t’u parë se janë 7-8 lloje armësh që përdorin këtë lloj gëzhoje”, tha Sokolaj.
Lini një Përgjigje