FLASH
Shkruar nga Pamfleti
Ju ftojmë të ndiqni Edicionin Informativ me zhvillimet kryesore deri në këtë orë të dites, ku ndër të tjera veçojmë:
Në Tiranë, u zhvilluan homazhe ne nder të Servet Pëllumbi, ku familja, politika dhe shoqëria nderuan figurën e ish-kryetarit të Kuvendit dhe akademikut të njohur.
Në politikë, tensionet brenda Partisë Demokratike janë përshkallëzuar, me përplasje të forta personale mes Ervin Salianjit dhe Flamur Nokes. Ndërkohë, Sali Berisha ka sulmuar ashpër kryeministrin Edi Rama, duke e akuzuar për lidhje me Serbinë.
Debat ka pasur edhe mes qeverisë dhe Reporterëve Pa Kufij për lirinë e medias, ndërsa Lefter Maliqi i kërkon Komisionit Qendror të Zgjedhjeve të shqyrtojë mandatin e kryebashkiakut të Kuçovës.
Në planin social dhe ekonomik, raportet e Eurostat dhe Organizata Ndërkombëtare për Migracionin tregojnë situatë shqetësuese: 44.5% e familjeve me fëmijë janë në rrezik varfërie, ndërsa emigracioni i të rinjve po rrit rrezikun e tkurrjes së popullsisë.
Në kronikë, pas aksidentit tragjik në Durrës, policia ka shtuar masat me teknologji të avancuar për sigurinë rrugore. Gjithashtu, janë goditur aktivitete të paligjshme si këmbimi valutor pa licencë në Tiranë.
Në drejtësi, është shtyrë vendimi për ish-krerët e Ushtria Çlirimtare e Kosovës në Hagë, ndërsa në Itali është goditur klani mafioz Di Lauro me lidhje me grupe shqiptare.
Në arenën ndërkombëtare, Turqia ka prezantuar raketën ndërkontinentale “Yildirimhan”, ndërsa tensionet SHBA–Iran mbeten të larta për Ngushticën e Hormuzit.
Në sport, Bayern Munich dhe Paris Saint-Germain përballen për një vend në finalen e UEFA Champions League, pas një ndeshjeje të parë spektakolare.
Lini një Përgjigje