FLASH
Shkruar nga Pamfleti
Ish-drejtuesja e Byrosë Kombëtare të Hetimit, Aida Hajnaj është emëruar në krye të Departamentit për Teknologjinë e Informacionit në Policinë e Shtetit.
Sipas ligjit të Policisë së Shtetit, ajo duhej të ishte kthyer në të njëjtën detyrë ku ka qenë më parë, dhe mosrikthimi i saj nga ish-kryepolici Ilir Proda, e detyroi ngritjen e padisë nga ana e saj në Gjykatën Administrative, çka çoi në anulimin e garës për departamentet në Policinë e Shtetit.
Aida Hajnaj u emërua në krye të Byrosë Kombëtare të Hetimit më 30 korrik të vitit 2020 dhe u lirua nga detyra më 1 shtator 2025.
Më herët ajo mbante pozicionin e zëvendësdrejtores së Policisë së Shtetit, funksion që mbante prej 2018-ës. Po ashtu Hajnaj ka ushtruar detyrën drejtores së Departamentit për Kufirin dhe Migracionin pranë Policisë së Shtetit.
Sa i takon drejtuesit të ri të BKH-së, drejtimin e institucionit e ka marrë Joni Keta.
Lini një Përgjigje