FLASH
Shkruar nga Pamfleti
Qiell i kthjellët në të gjithë territorin, erë mesatare dhe det i qetë në brigje
Ditën e hënë, më 6 prill, vendi ynë pritet të ndikohet nga kushte atmosferike të qëndrueshme, duke sjellë mot kryesisht të kthjellët dhe temperatura tipike pranverore në të gjithë territorin.
Sipas parashikimit nga SHMU, moti do të jetë i kthjellët në pjesën më të madhe të vendit. Vranësira të pakta kalimtare pritet të shfaqen kryesisht në zonat malore lindore gjatë orëve të mesditës deri në pasdite, pa ndikim të ndjeshëm në kushtet e përgjithshme atmosferike.
Temperaturat do të luhaten nga vlera minimale rreth 5°C në zonat verilindore, deri në maksimale që arrijnë në 25°C në disa qytete si Elbasani, Fieri dhe Tirana. Në zonat bregdetare dhe jugore, temperaturat maksimale do të variojnë nga 23°C deri në 25°C, ndërsa në zonat malore do të mbeten më të ulëta.
Era do të fryjë me drejtim nga verilindja në veriperëndim, me një shpejtësi mesatare rreth 6 m/s. Në vijën bregdetare dhe zonat luginore, ajo mund të arrijë deri në 14 m/s, duke sjellë herë pas here intensifikim të lehtë.
Në detet Adriatik dhe Jon, valëzimi parashikohet i ulët, me forcë nga 1 deri në 3 ballë, duke krijuar kushte të favorshme për lundrim.
Lini një Përgjigje