
Avokati Spartak Ngjela duke folur rreth zhvillimeve të fundit për çështjen e inceneratorëve, tha se kjo do të zgjidhet nga Uashingtoni, nëpërmjet reformës në drejtësi.
I ftuar në emisionin “Review” në “Euronews Albania”, Ngjela tha se nëse SPAK-ut nuk e lufton korrupsionin në vendin tonë atëherë Shqipëria shkatërrohet.
“Nëse SPAK-u nuk e lufton korrupsionin, Shqipëria shkatërrohet. Nuk ishte korrupsion ky, kjo ishte një tragjedi e madhe e cila varrosi Shqipërinë në 25 vjet, i la shqiptarët që të ikin nga atdheu, i dëboi. SPAK-un nuk e kemi ngritur ne, por e ka ngritur Washingtoni, e ka deklaruar vetë sekretari i DASH,” u shpreh Ngjela.
Lini një Përgjigje