FLASH
Shkruar nga Pamfleti
Detaje të reja janë zbardhur nga aksidenti i rëndë që ndodhi në Kroaci, ku u përfshi një autobusi ku udhëtonin shtetas shqiptarë me targat AB 802 CT.
Janë identifikuar disa prej pasagjerëve, të cilët janë plagosur, teksa ende nuk është identifikuar 41-vjeçari që humbi jetën.
Mësohet se në autobus ndodheshin gjithsej 10 persona, teksa deri më tani janë identifikuar tre persona, shoferi 58-vjeçar me emrin Adem Rexha si dhe dy pasagjerë me emrat Armand Shaba dhe Ylli Muça.
Aksidenti i autobusit shqiptar në Kroaci ka lënë 1 të vdekur dhe 9 persona të plagosur, ndërsa drejtori i spitalit Ogulin, Davor Vukelja tha se një paciente e moshuar është në rrezik për jetën dhe prognoza për gjendjen e saj është e rëndë.
Të rënda janë edhe lëndimet e dy pasagjerëve, të cilët ndodhen në repartin e kirurgjisë, por gjendja e tyre është më e mirë, ndërsa personi i katërt që po trajtohet prej tyre është një grua më e re, e cila ka pësuar lëndime të lehta.
Lini një Përgjigje