FLASH
Shkruar nga Pamfleti
Është neutralizuar zjarri i rënë mbrëmjen e së shtunës në një beach bar në zonën bregdetare të Radhimës, në Vlorë.
Pas disa orësh përpjekje, forcat zjarrfikëse arritën të vënë nën kontroll flakët dhe të shmangin përhapjen e tyre në objektet pranë dhe në zonën përreth.
Megjithatë, dëmet materiale rezultojnë të mëdha. Sipas burimeve nga vendngjarja, nga beach bari i përfshirë nga flakët nuk ka mbetur thuajse asgjë, pasi objekti është shkrumbuar totalisht.
Shërbimet e policisë dhe grupi hetimor ndodhen në terren për të dokumentuar dëmet dhe për të zbardhur shkaqet e zjarrit, të cilat deri tani mbeten ende të paqarta.
Lini një Përgjigje