FLASH
Shkruar nga Andreas Mihm
Por çfarë kërkon Jared Kushner nga vendi i varfër i Adriatikut dhe ishulli i Sazanit, i cili dikur ishte një bazë ushtarake sekrete e ish-shtetit komunist? Ishulli i Sazanit, me një sipërfaqe prej rreth 562 hektarësh, drejt të cilit organizohen udhëtime ditore nga Vlora me 42 euro, nuk ofron ndonjë atraksion të madh. Disa madje e quajnë atë një "kurth turistik".
Një projekt për të ndërtuar në ishullin e Sazanit, ndërsa dhëndri i Presidentit të 47-të amerikan, Donald Trump, është shpallur investitor strategjik, vijon të tërheqë vëmendjen e mediave të huaja.
Hera herës ato publikojnë shkrime lidhur me vendimin që duket se u vulos pasi Presidenti Trump u shpall fitues i zgjedhjeve. Por ajo që tërheq vëmendjen në këtë situatë është fakti tjetër se si rrallëherë opozita e drejtuar nga Sali Berisha hesht ndaj një vendimi të Kryeministrit Edi Rama. Shkaku duket se është lidhja që Jared Kushner ka me Donald Trump.
Berisha është një prej politikanëve që komenton mbi çdo vendim të Ramës, e atakon, sulmon, ndërsa lidhur me ishullin e Sazanit ka një heshtje. Në anën tjetër, Edi Rama, që njihet si një politikan i majtë, i lidhur me qarqet e majta në SHBA, mori një vendim për dhëndrin e Trump, mbi një projekt që e konsideron herë si mrekulli dhe herë që duhet të na bëjë krenarë.
Në interpretimin politik qëndrimi i Berishës dhe Ramës ka një shpjegim. i pari, i sanksionuar ‘non grata’ nga administrate Biden shpreson që të dalë nga lista e zezë dhe ndoshta kjo është arsyeja që hesht lidhur me Sazanin. Kryeministri Edi Rama, i cili është një politikan mjaft i majtë, duket se ka dashur t'i bëjë përshtypje të mirë Trumpit me këtë vendim.
Shqipëria ka shpallur dhëndrin e Donald Trump investitor strategjik. Por çfarë kërkon Jared Kushner nga vendi i varfër i Adriatikut dhe ishulli i Sazanit, i cili dikur ishte një bazë ushtarake sekrete e ish-shtetit komunist?
Ishulli i Sazanit, me një sipërfaqe prej rreth 562 hektarësh, drejt të cilit organizohen udhëtime ditore nga Vlora me 42 euro, nuk ofron ndonjë atraksion të madh. Disa madje e quajnë atë një "kurth turistik".
Por Jared Kushner, dhëndri i presidentit të SHBA-së, Donald Trump, ia ka vënë syrin pasi është i interesuar edhe për pasuri të paluajtshme në Ballkan, shkruan Andreas Mim në “Frankfurter Allgemeine Zeitung” (FAZ).
Kushner dëshiron të ndërtojë një kompleks luksoz me një marinë në 45 hektarë. Flitet për investime prej 1.4 miliardë eurosh.
Qeveria shqiptare është entuziaste, komenton botimi gjerman. Kryeministri Edi Rama tashmë imagjinon “perlën në kurorë” të turizmit mesdhetar dhe i ka dhënë grupit të investimeve “Affinity Partners” të drejtuar nga Kushner statusin e “investitorit strategjik”.
Kushner vizitoi zonën në vitin 2023 me gruan e tij Ivanka Trump, pas së cilës ai e përshkroi bregdetin si "një nga më të pacënuarit dhe unik në botë". Por aplikimi i paraqitur më pas për ndërtimin e dy komplekseve luksoze në ishull u refuzua nga Shqipëria me arsyetimin se “nuk ishte në sinkron me vizionin e turizmit ekologjik”.
Megjithatë, më 30 dhjetor 2024, Kushner mori statusin e "investitorit strategjik". Është për t'u habitur se kjo ndodhi 7 javë pas zgjedhjes së vjehrrit të tij si president i SHBA-së dhe 3 javë para inaugurimit të Trump.
Ndaj në Shqipëri besojnë se Edi Rama, i cili është një politikan mjaft i majtë, ka dashur t'i bëjë përshtypje të mirë Trumpit, shkruan Fakt.bg.
Por gazetarët nga Rrjeti Ballkanik i Gazetarisë Hulumtuese vunë në dukje se pavarësisht kundërshtimeve nga opozita ndaj marrëveshjes, kritikat e liderit të saj Sali Berisha mbetën "të heshtura jashtëzakonisht".
Berisha është në listën e sanksioneve amerikane për korrupsion. Së fundmi ai i ka bërë thirrje Trump që të heqë statusin e tij si “persona non grata”. Kjo mund të rrisë imazhin e tij përpara zgjedhjeve parlamentare në maj.
Një fluks i madh turistësh
Vitet e fundit, vendi me 2.4 milionë banorë është përmbytur nga turistët. Në vitin 2023, numri i tyre i kaloi 10 milionë për herë të parë, dhe në 2024, ata ishin aq shumë që në tetor. Ky është një stimul për sektorin e shërbimeve dhe të ndërtimit, të cilët, së bashku me bumin turistik, janë një kontribues kryesor në rritjen e pritshme prej 4 për qind për vitin 2024. Megjithatë, pasojë e fluksit të madh të turistëve në Shqipëri është nënçmimi i vazhdueshëm i monedhën vendase, e cila po pengon eksportuesit shqiptarë nga industria dhe bujqësia.
Dhe ndërsa ekspertët paralajmërojnë për dëmin e turizmit të tepruar dhe mbizhvillimin e bregdetit, qeveria po vë bast kryesisht për të ardhura më të larta nga mysafirët në komplekset luksoze - siç është ai i planifikuar nga Jared Kushner.
Ai nuk është i vetmi investitor i madh ndërkombëtar (me një pasuri prej 3.1 miliardë dollarësh, dy të tretat e të cilave vijnë nga burime nga Arabia Saudite).
Dy vjet më parë, qeveria shqiptare nënshkroi një partneritet publik-privat për mbi 2 miliardë euro me një investitor nga Emiratet e Bashkuara Arabe - për të shndërruar portin e vjetër tregtar të Durrësit në një marinë jahtesh me apartamente luksoze, hotele, restorante dhe kafene. Shteti shqiptar po merr pjesë në projekt me një të tretën e kapitalit.
Interesat e Kushnerit në Ballkan nuk mbarojnë me Shqipërinë – ai dëshiron të ndërtojë një kompleks apartamentesh, hotelesh dhe sallash konferencash në Beograd në territorin e ish-selisë së Shtabit të Përgjithshëm të Ushtrisë Jugosllave, shkruan Fak.bgt. Dhe atje ai është pritur me krahë hapur.
Ish-zona ushtarake do të ndërtohet
Ishulli i Sazanit ishte dikur baza ushtarake më sekrete e Shqipërisë komuniste. Quhej “roja” e detit Adriatik. Në këtë vend në natyrën e egër u ndërtuan bunkerë dhe tunele të shumta. Megjithatë, në vitin 2024, qeveria nisi ndryshime ligjore që shfuqizuan ekzistencën e ish-zonës ushtarake dhe e lanë për ndërtim. Dhe vetëm disa javë më vonë, u gjet investitori strategjik për këtë. Pritet që ai të sigurojë punë për deri në 1000 persona në ndërtimin dhe mirëmbajtjen e kompleksit. Por ambientalistët nuk janë të impresionuar nga kjo. Organizata ndërkombëtare mjedisore Euro Natur thekson se "ishulli është një rezervat natyror kombëtar dhe ndërkombëtar". Ekzistojnë gjithashtu shqetësime për “pasojat dramatike ekologjike për rajonin”. /Përshtati Pamfleti nga FAZ/
Lini një Përgjigje