FLASH
Shkruar nga Pamfleti
Presidenti i Republikës së Shqipërisë Bajram Begaj ka uruar sot besimtarët e krishterë, me rastin e Pashkëve.
Në një postim të rrjetet sociale, Begaj uron që drita dhe mirësia e kësaj feste të ndriçojë jetën e çdo besimtari të krishterë ortodoks, katolik e ungjillor shqiptar.
Begaj thotë se 'ky kremtim i shpresës dhe i ringjalljes është dëshmia se jeta dhe mirësia triumfojnë mbi vdekjen dhe të keqen, se drita e mund errësirën, se virtytet dhe vlerat mposhtin ligësinë dhe antivlerat'.
"Gëzuar Pashkën të gjithë besimtarëve të krishterë shqiptarë!
Ky kremtim i shpresës dhe i ringjalljes është dëshmia se jeta dhe mirësia triumfojnë mbi vdekjen dhe të keqen, se drita e mund errësirën, se virtytet dhe vlerat mposhtin ligësinë dhe antivlerat.
Drita dhe mirësia e kësaj feste ndriçofshin jetën e çdo besimtari të krishterë ortodoks, katolik e ungjillor shqiptar, dhe sjellshin paqe e bekime në familjet tuaja!
Festojeni këtë Pashkë plot dashuri, kujdes e vëmendje ndaj atyre që keni përzemer dhe që kanë nevojë!
Gëzuar me këtë shportë të përgatitur me shumë dashuri nga disa zonja të besimit ortodoks, në respekt të traditës sonë të festimit!", shkroi Begaj.
Lini një Përgjigje