FLASH
Shkruar nga Pamfleti
Gjykata Administrative ka vendosur datën 3 prill për shqyrtimin e padisë që kryebashkiaku Erion Veliaj ka paraqitur kundër prokurorit Ols Dado.
Përmes shortit, çështja i ka kaluar për shqyrtim gjyqtarit Hazbi Balliu. Veliaj dorëzoi kërkesë-padinë më 23 janar, ku kërkon shpalljen e pavlefshme në mënyrë absolute të dekretit të emërimit të Dados si prokuror.
Në padi, Veliaj argumenton se emërimi nuk respekton kërkesat ligjore, pasi sipas tij Dado nuk ka përfunduar Shkollën e Magjistraturës. Ai pretendon gjithashtu se Presidenca nuk ka kryer verifikimet e nevojshme për këtë kriter, çka sipas tij e bën dekretin të paplotë në aspektin ligjor.
Në të njëjtën kërkesë, Veliaj i drejtohet edhe Këshillit të Lartë të Prokurorisë për të marrë vendim për shkarkimin e Dados nga detyra.
Seanca e 3 prillit pritet të trajtojë këto pretendime në themel.
Lini një Përgjigje