FLASH
Shkruar nga Pamfleti
Autoriteti Kombëtar i Ushqimit, në bashkëpunim me Policinë e Shtetit, ka ndërmarrë një aksion kontrolli në tregun e Milotit, ku janë evidentuar shkelje të rënda të rregullave higjeno-sanitare.
Gjatë verifikimeve në terren, autoritetet sekuestruan sasi mishi dhe produktesh bulmeti që shiteshin në kundërshtim me ligjin. Produktet ishin të ekspozuara në kushte skandaloze, mes baltës dhe pa asnjë kriter sigurie ushqimore, duke përbërë rrezik të drejtpërdrejtë për shëndetin e konsumatorëve.
Sipas institucioneve, tregu i Milotit, i cili zhvillon aktivitet kryesisht ditëve të dielë, funksionon si pikë grumbullimi e paligjshme, pasi nuk përmbush asnjë nga standardet ligjore dhe higjeno-sanitare të parashikuara nga legjislacioni në fuqi.
AKU dhe Policia e Shtetit paralajmërojnë se kontrollet do të vijojnë, ndërsa u bëjnë thirrje tregtarëve të respektojnë rregullat e sigurisë ushqimore, me qëllim mbrojtjen e shëndetit të qytetarëve dhe ndëshkimin e çdo shkeljeje.
Lini një Përgjigje