FLASH
Shkruar nga Pamfleti
GJKKO ka rrëzuar kërkesën e paraqitur nga ish-zv.Kryeministrja dhe ish-ministrja e Infrastrukturës, Belinda Balluku lidhur me revokimin e menjëhershëm të masës së sigurisë së vendosur ndaj saj me kërkesë të SPAK.
Në një njoftim zyrtar, GJKKO bën të ditur se ish-zv.Kryeministrja paraqiti më 13 mars 2026 pranë Gjykatës kërkesën për “revokimin e menjëhershëm të masës së sigurimit personal me karakter ndalues ‘pezullimi i ushtrimit të një detyre a shërbimi publik’”.
Kjo masë ishte vendosur ndaj saj me vendimin nr. 118, datë 19 nëntor 2025, nga e njëjta gjykatë.
Në kërkesën e saj, Balluku kërkonte gjithashtu konstatimin e shuarjes ose rënies së kësaj mase sigurimi, e cila përfshin pezullimin nga funksionet e larta shtetërore si zëvendëskryeministre e Republikës së Shqipërisë dhe ministre e Infrastrukturës dhe Energjisë.
Pas shqyrtimit të çështjes, trupi gjykues i kryesuar nga gjyqtari Erjon Çela vendosi rrëzimin e kërkesës. Vendimi u mor në bazë të neneve 112, 260/1, 262/2 dhe 267 të Kodit të Procedurës Penale dhe mban numrin 229, datë 13 mars 2026.
Ky vendim vjen një ditë pasi Kuvendi rrëzoi një kërkesë të SPAK për autorizim lidhur me vendosjen e një mase sigurie më të fortë ndaj Ballukut.
As nuk don Me dite se kush eshte SPAK Shihe veten o popull fatkeq Ajo balluku ashte kalorse dhe ska kush cfar ti beje Dota shohim S’ kllevrit e meritojn belen
Shkolla e krimit shoqeris shqiptare eshte dikush t,jeter Jo bela, as Rama Bela te pakten ka etike dhe kultur personale I them keto fjal ndonse asgje nuk Me lidhe as Me Politiken as Me instuticionet shqiptare per Me shum se 80 vite Por jam njohes. I realitetit ne kete shoqeri Mjerane