Drejtori i Përgjithshëm i Policisë së Shtetit, Skënder Hita, u pyet nga gazetarët lidhur me atentatin e ndodhur në Lezhë, ku mbetën të vrarë bashkëshortët Kreshnik dhe Gentiana Mujeci.
Ai deklaroi se autorët e ngjarjes vijojnë të jenë në kërkim, ndërsa bëri të ditur se gjatë ditës së sotme janë zhvilluar disa kontrolle nga forcat speciale RENEA.
“Policia që në momentet e para ka bërë një komunikim të drejtpërdrejtë. Hetimet kanë vijuar edhe sot në mëngjes kemi kryer disa kontrolle me forcat speciale RENEA, por ende nuk është bërë e mundur kapja e autorëve”, tha Hita.
Lini një Përgjigje