FLASH
Shkruar nga Pamfleti
Mjeku Ilir Alimehmeti ka folur lidhur me raportin më të fundit të publikuar nga OBSH ku thuhet se qytetarët shqiptarë paguajnë 60% nga xhepi për shëndetësinë.
Ai u shpreh se në Shqipëri është fenomen të paguash shifra të larta për shëndetësinë.
Sipas Alimehmetit nëse minimumi prej 7% e PBB nuk arrihet në investimin në Shëndetësi nuk mund të ketë ulje të shifrave të OBSH.
“Le të pyesim qytetarët vetë, ata e dinë shumë më mirë xhepin e tyre. Në Shqipëri është fenomen të paguash shifra të larta për shëndetësinë. Ka disa fusha ku ka përparim, patjetër.
Shëndetësia nuk gjeneron para, për të paguhen para. Ne kemi 2.8% të PBB që e çojmë për shëndetësinë, niveli më i ulët në Europë, nga krahu tjetër shpenzimet më të larta në Europë për të. Nëse nuk shkojmë minimumi te 7% e PBB-së që të investohet dhe të mos ketë abuzime me to, asnjëherë nuk do të ulen shifrat që ka nxjerrë OBSH”, tha Alimehmeti në një intervistë për News 24.
Lini një Përgjigje