FLASH
Shkruar nga Pamfleti
Në dosjet e lidhura me çështjen Epstein, përveç rasteve të vajzave shqiptare që kërkonin punë apo ndërmjetësoheshin për pozicione të ndryshme, përmendet edhe një episod tjetër me natyrë personale, ku flitet për një vajzë shqiptare që, sipas përmbajtjes së komunikimeve, ishte bërë shkak për prishjen e një martese.
Në disa shkëmbime email-esh të përfshira në dokumentacion, përshkruhet një situatë konfliktuale, ku thuhet se një burrë ishte ndarë nga bashkëshortja për shkak të një lidhjeje me një vajzë shqiptare. Në mesazhe, ajo përshkruhet me tone fyese dhe akuzohet se e pengonte burrin të komunikonte me fëmijën e tij.
Dokumentet përmbajnë gjithashtu biseda të tjera informale dhe personale, ku përmenden emra të ndryshëm dhe situata sociale, përfshirë referenca ndaj individëve të lidhur me qarqe diplomatike dhe ndërmjetësish. Në një nga komunikimet përmendet edhe dërgimi i një email-i nga një konsull, ndërsa në dosje shfaqen mbiemra të njohur publikisht.
Materialet nuk ofrojnë prova apo verifikime për vërtetësinë e pretendimeve të përmendura në këto biseda, por pasqyrojnë mënyrën informale dhe shpesh denigruese të komunikimit mes personave të përfshirë.
Fragment i përkthyer nga dokumenti:
– Kush është Ben?
Rudy mund të ketë miq. Mund të provosh të takohesh me Ashton-in ose me I-në.
Njëri është rus.
Tjetri është nga Minesota dhe mund të ndihmojë atje.
– Burri i saj u nda prej saj për një vajzë shqiptare, e cila sipas tij sillej në mënyrë problematike dhe nuk e lejonte atë të fliste me fëmijën e vet.
– Ben erdhi gjithashtu dhe tani vazhdon të më telefonojë, duke thënë se është i dashuruar me mua, edhe pse kam folur me të vetëm për rreth 30 minuta.
– Ajo tha gjithashtu se pinte shpesh alkool dhe kishte marrëdhënie me persona të ndryshëm.
– Ajo e telefonoi menjëherë pasi u takua me mua (pa e ditur që unë e njihja) dhe filloi ta pyeste nëse dinte diçka për mua.
– M ishte thjesht në rregull, por energjia e saj nuk ishte e mirë.
– Më pas shkuam në një tjetër ambient. Komenti më pozitiv që bëri ishte:
“Je shumë korrekte. Kur jam pranë teje nuk më vjen të shaj, dhe të gjithë e dinë sa shumë më pëlqen të shaj.”
– Nuk është një vajzë e keqe, por ka ende shumë për të mësuar.
– Djali nga agjencia ngjante sikur mund të ishte djali i Jojo-s.
– Rudy ishte shumë i impresionuar nga ti.
– Nesër do të shoh djalin tim.
– Puthje.
Lini një Përgjigje