FLASH
Shkruar nga Pamfleti
Reshjet e vazhdueshme të borës në veri të vendit kanë sjellë bllokimin e rrugës nga Qafa e Thorës deri në Theth.
Për shkak të mungesës së pastrimit të dëborës, është izoluar pika turistike e Thethit, duke sjellë pasoja të rënda për turizmin dhe komunitetin lokal. Pamjet e dërguara nga banorët e Thethit tregojnë situatën kritike, ku trashësia e dëborës ka arritur nga 50 cm deri në 1 metër.
Prej 3 ditësh, lëvizja është e mundur vetëm për mjete të larta, ndërsa për automjetet është e pamundur.
Ndërkohë që ditën e sotme Kryebashkiaku i Shkodrës, Benet Beci, ka reaguar në rrjetet sociale duke treguar se kjo rrugë është hapur tashmë.
"Mirëmëngjes! Pas disa orësh bllokim nga ortekët, rruga Bogë-Theth pranë Qafë Thores është tashmë e hapur. Firmat kontraktuese kanë punuar gjatë gjithë natës për të mundësuar hapjen e këtij segmenti rrugor.
Për drejtuesit e automjeteve rekomandohet përdorimi i zinxhirëve dhe gomave të dimrit për të shmangur çdo rrezik dhe për të udhëtuar të sigurt", shkruan Beci.
Lini një Përgjigje