FLASH
Shkruar nga Pamfleti
Ministri i Brendshëm Taulant Balla ka kërkuar rihetim të 50 ngjarjeve të rënda kriminale të ndodhura në qarkun e Durrësit në 30 vitet e fundit.
Balla ka zhvilluar një takim me zyrtarët e policisë së Durrësit për analizën vjetore të kësaj drejtorie.
Ai njëherësh ka kërkuar edhe intensifikimin e punës për arrestimin e personave të shpallur në kërkim.
“Pjesë e analizës sot në Drejtorinë e Policisë së Durrësit ishte edhe rihapja e dosjeve të vjetra të cilat janë mbi 50 ngjarje të rënda kriminale, por edhe intensifikimi i punës së përditshme të policisë për arrestimin e 560 personave të shpallur në kërkim”, u shpreh Balla.
Ministri Balla tha se gjatë vitit që lamë pas policia ka patur rezultate të kënaqshme në parandalimin e ngjarjeve kriminale.
Megjithatë ai tha se për ngjarjet që janë ende duke u hetuar pritet që përgjegjësit të vihen para drejtësisë.
Ndërsa lidhur me proçesin e vettingut në radhët e policisë Balla tha se të gjithë në punën e tyre duhet të orientohen vetëm nga ligji.
Lini një Përgjigje