FLASH
Shkruar nga Pamfleti
Gjykata vendosi dy ditë më parë që të lironte nga qelia ish-kryetarin e Bashkisë së Durrësit, Vangjush Dako, i arrestuar në qershor 2023, me urdhër të SPAK-ut së bashku me 8 ish-zyrtarë të bashkisë së Durrësit dhe një ndërtues, me akuza për shpërdorim detyre në 2 raste.
Gazetari investigativ, Artan Hoxha, tha se arrestimi i Vangjush Dakos pritej prej 5 vitesh sepse kishin dalë dosje të tjera, por u arrestua me dy akuza që kishin masa ekstreme, edhe pse ai duhej hetuar.
Më tej ai deklaroi se gjykata u detyrua të vendoste se SPAK-u, nuk arriti të respektonte afatet për hetimin e kësaj çështjeje.
“Që në momentin e arrestimit, edhe pse kishim 5 vite që prisnim, pasi dolën disa dosje, ish-kreu i bashkisë së Durrësit dhe njeriu i afërt i Ramës, që e ka mbrojtur dhe tha se nuk vendos DASH se kë kam miq unë, u arrestua në 6 qershor 2023. Ai u arrestua me dy akuza që kishte masa ishte shumë ekstreme, te arresti me burg. S’e di pse, sepse mund të hetosh dhe jo direkt te masa ekstreme.
Pas 9 muajsh e liruan nga burgu, edhe pse arresti në shtëpi është e njëjtë, dhe akuzat nuk kanë rënë, edhe pse ato janë minimale për atë që çfarë nuk kemi dëgjuar. A duhet të ishte arrestuar më 6 qershor 2023 dhe liruar në 27 shkurt 2024? Është vetëm zbutje dënimi. SPAK nuk arriti të respektonte afatet për hetimin e kësaj çështjeje. Te perceptimi publik janë kënaqur nga arrestimi. Masat e sigurisë kanë afate nuk mund ta mbash në burg”, tha Hoxha për emisionin "Të Paekspozuarit".
Lini një Përgjigje