FLASH
Shkruar nga Pamfleti
Qendra tregtare “Toptani” u evakuua pas një alarmi për bombë dhe një njoftimi për kërcënim me eksploziv.
Një alarm për bombë është raportuar mbrëmjen e sotme në qendrën tregtare “Toptani” në Tiranë.
Raportohet se, godina është evakuuar menjëherë pas një njoftimi për kërcënim me eksploziv, i cili dyshohet të jetë dërguar përmes një emaili.
Forcat e policisë dhe shërbimet e emergjencës kanë mbërritur në vendngjarje, duke vendosur perimetrin e sigurisë rreth zonës.
Pasi godina është zbrazur plotësisht nga klientët, vizitorët dhe stafi, brenda saj ndodhen vetëm forcat e policisë po kryejnë kontrolle të detajuara për të verifikuar natyrën e kërcënimit.
Alarmi është ngritur nga shefi i sigurisë së qendrës tregtare, ndërsa evakuimi i godinës ka nisur rreth orës 20:30.
Dëshmitarë në vendngjarje bëjnë të ditur se evakuimi është kryer me shpejtësi, ndërsa qytetarët janë udhëzuar të largohen për arsye sigurie.
Ndërkohë, lidhur me alarmin për bombë ka reaguar policia e Tiranës. Sipas njoftimit, kontrollet në terren u kryen nga shërbimet e Policisë, Forcat Xheniere dhe strukturat e Antiterrorit, të cilat nuk kanë konstatuar asnjë element të paligjshëm.
"Rreth orës 20:10, shtetasi A. D, ka njoftuar sallën operative të DVP Tiranë se në email e tij ka ardhur një mesazh se në qendrën tregtare ku ai punon si shef security është vendosur një sasi lëndë plasëse, e cila do shpërthejë në orën 20:30.
Menjeherë në vendngjarje kanë shkuar shërbimet e Policisë, Forcat Xheniere dhe shërbimet e Antiterritorit, të cilët kanë kontrolluar qendrën dhe nuk kanë konstatuar asgjë të paligjshme.
Grupi hetimor po punon për identifikimin e shtetasit që ka dërguar emailin dhe për sqarimin e rrethanave të rastit", njoftoi policia.
Lini një Përgjigje