FLASH
Shkruar nga Pamfleti
Partizani ka ulur në pankinë Mladen Milinkoviç. Kryeqytetasit kanë prezantuar teknikun serb këtë të mërkurë, me trajnerin që ka nënshkruar tashmë edhe kontratën me “Demat”.
57-vjeçari do të pasojë Skënder Gegën, i cili dha dorëheqjen nga pankina, pasi Partizani u eliminua në turin e parë kualifikues të Ligës së Konferencës kundër estonezëve të Nome Kalju.
Milinkoviç është një emër i njohur për futbollin shqiptar, pasi ka drejtuar më herët Luftëtarin dhe Kukësin.
Debutimi i tij në një ndeshje zyrtare në stolin e Partizanit do të vijë në takimin e parë të kampionatit, atë ndaj Vorës, sfidë kjo e programuar të luhet më 23 gusht.
Milinkoviç ka udhëhequr më parë ekipe si Keshla, Sirianska, Buduçnost dhe Al Sahel.
Objektivat te Partizani janë të qarta, gjigandët e Superiores synojnë të rikthehen te suksesi në kampionatin shqiptar.
Fillimisht, në shtëpinë e të kuqve po përgatiten për sezonin e ri, ku pritshmëritë janë të mëdha.
Natyrisht, asgjë nuk do të jetë e lehtë, sidomos kur merret parasysh fakti që ekipi vjen pas një periudhe zhgënjyese.
View this post on Instagram
Lini një Përgjigje