FLASH
Shkruar nga Pamfleti
Lajmi se ish-mesfushori i Arsenalit, Tomas Parti, është gati të bashkohet me Vijarrealin ka mërzitur tifozët e klubit spanjoll dhe me qindra persona kanë nënshkruar një peticion duke kërkuar ndalimin e asaj që është përshkruar si "dita më e errët në historinë e klubit".
Parti u paraqit në një gjykatë në Londër të martën, i akuzuar për pesë akuza për përdhunim që lidhen me dy gra dhe një akuzë për sulm seksual ndaj një gruaje të tretë. Veprat e dyshuara thuhet se kanë ndodhur në vitet 2021 dhe 2022 kur Parti luante për Arsenalin. Avokati i Partit ka thënë se ai i mohon të gjitha akuzat.
Parti u la i lirë me kusht të martën dhe kryegjyqtari tha se 32-vjeçari do të zhvendoset së shpejti në Spanjë. Vijarreali ka rënë dakord të nënshkruajë me mesfushorin ganez një kontratë një vjeçare me mundësi zgjatjeje për 12 muaj të tjerë.
'Lajmi ishte një tronditje për tifozët e Vijarrealit', tha Rahul Lakhani, gazetar sportiv dhe ekspert i La Ligës pas llogarisë La Liga London.
Ndërsa Arsenali përgatitet të presë Vijarrealin në një ndeshje miqësore të mërkurën, Lakhani e përshkroi nënshkrimin e mundshëm të Partit si një “njollë” për Vijarrealin, një klub që është thellësisht i lidhur me qytetin e tij prej 50.000 banorësh.
“Ata shihen ndryshe nga Reali i Madridit ose Barcelona. Është një klub që ka ndihmuar shumë komunitetin e vet, që shihet si një klub familjar”, tha ai.
Mbërritja e Partit, tha ai, ndoshta do ta ndryshojë këtë imazh. “Emri i tyre tani do të lidhet me dëshirën për të nënshkruar me dikë që ka pesë akuza për përdhunim mbi kokë, në vend që të njihen si klub që luan futboll të mirë ose që i tejkalon pritshmëritë”.
Lini një Përgjigje