FLASH
Shkruar nga Pamfleti
Vllaznia ka lënë pas serinë prej dy humbjesh radhazi, duke gjetur përsëri tre pikët, për më tepër përballë një kundërshtari direkt për “Final Four” si Elbasani. Por nuk ishte e thjeshtë për kuqeblutë, të cilët iu faluën një përmbysjeje në pjesën e dytë përballë skuadrës së drejtuar për herë të parë nga Ivan Gvozdenoviç.
Vllaznia ka fituar përballë Elbasanit ndeshjen e vlefshme për javën e 17 të Superiores. Sfida e zhvilluar në stadiumin “Loro Boriçi”, përfundoi 1-2 në favor të shkodranëve.
Si fillim ishte skuadra e Elbasanit që shënoi me Qaqin në minutën e 35. Në këtë mënyrë, verdheblutë mbyllën në avantazh minimal 1-0 pjesën e parë të sfidës.
Me nisjen e pjesës së dytë, skuadra e Vllaznisë u bë më kërkuese. Baraspeshën e gjeti me Dodaj në minutën e 63. Ndërsa për golin e fitores mendoi Çoba, i cili realizimin e shoqëroi me festimin e futbollistit anglez, Kol Palmer.
Me këtë fitore, Vllaznia rinis luftën për kreun e Superiores, duke shkuar në kuotën e 28 pikëve. Në krahun tjetër, Elbasani mbetet me 21 pikë në vendin e 5.
Lini një Përgjigje